जनमत व्यक्तिगत लाभका लागि दुरुपयोग गर्दिनँ : एमाले नेता खतिवडा

राज्य-राजनीति

गृहपृष्ठ
राज्य-राजनीति

जनमत व्यक्तिगत लाभका लागि दुरुपयोग गर्दिनँ : एमाले नेता खतिवडा

ग्लोबल संवाददाता शनिबार, कात्तिक २६, २०७९

नुवाकोट । नेकपा एमालेबाट नुवाकोट क्षेत्र नम्बर २ का उम्मेदवार नारायणप्रसाद खतिवडाले जनताले दिएको मत व्यक्तिगत लाभ वा दुरुपयोग नगर्ने प्रतिबद्धता जनाउनुभएको छ । बेलकोटगढी नगरपालिकामा शनिबार आयोजित चुनावी कार्यक्रमलाई सम्बोधन गर्नुहुँदै खतिवडाले पुन: एक कार्यकाल आफूलाई जिताउन समेत अपिल गर्नुभयो ।

उहाँले पहिलो कार्यकालमा काम गर्दा गर्दै पूरा नभएका योजना पूरा गर्ने, शिक्षा, स्वास्थ्यलगायत क्षेत्रमा आफ्नो योजना रहेकोले मत दिन आग्रह गर्नुभयो । 'योजना पूरा नहुँदै हाम्रो पहिलो कार्यकाल सकियो । पूरा नभएका काम सकाउनेछौं,' उहाँले भन्नुभयो, 'एक कार्यकाल सेवा गर्ने अवसर दिनुहोस् । तपाईंहरुको मत व्यक्तिगत लाभ वा मत दुरुपयोग गर्ने छैनौं ।

बेर्थैमा मत दिएछु भन्ने बनाउने छैनौं ।' कांग्रेस उम्मेदवारतर्फ लक्षित गर्दै उहाँले हिजोका जनप्रतिनिधिले पदमात्रै ओगट्ने काम गरेकोले मत माग्न आउँदा काम के गर्‍यौ भनेर सोध्न आग्रह गर्नुभयो । उहाँले आफूले पाँच वर्षे कार्यकालमा जनताका सवाललाई संघीय संसद् र सिंहदरबारमा पुर्‍याएको दाबी गर्नुहुँदै कामको मूल्यांकन गरेर मत दिन अपिल गर्नुभयो ।

प्रकाशित मिति: शनिबार, कात्तिक २६, २०७९ १६:११

प्रतिक्रिया दिनुहोस्