सिन्धुली पूर्ण खोप सुनिश्चित जिल्ला घोषणा

स्वास्थ्य-शिक्षा

गृहपृष्ठ
स्वास्थ्य-शिक्षा

सिन्धुली पूर्ण खोप सुनिश्चित जिल्ला घोषणा

ग्लोबल संवाददाता आइतबार, असार ३१, २०८०

सिन्धुली । सिन्धुलीलाई पूर्ण खोप सुनिश्चित जिल्ला घोषणा गरिएको छ । आइतबार वाग्मती प्रदेशका मुख्यमन्त्री शालिकराम जमकट्टेल, आन्तरिक मामिला तथा कानुनमन्त्री गङ्गा नारायण श्रेष्ठ र स्वास्थ्य मन्त्री उत्तम जोशीले सयुक्त रुपमा पूर्ण खोप सुनिश्चित जिल्ला घोषणा गर्नुभएको हो ।

जिल्ला समन्वय समिति सिन्धुलीका संयोजक कार्साङ लामाको अध्यक्षता तथा वाग्मती प्रदेशका मुख्यमन्त्री जमरकट्टेलकाे प्रमुख आतिथ्यता कानुनमन्त्री श्रेष्ठ र स्वास्थ्य मन्त्री जोशीको उपस्थितिमा पुर्ण खोप सुनिश्चितता तथा दिगोपना घोषणा गरिएको हो ।

राष्ट्रिय खोप तालिकामा समावेश भएका सबै खोप सबै बालबालिकाले लगाएकोलाई पूर्ण खोप सुनिश्चित भएको मान्ने गरिन्छ भने हालसम्म राष्ट्रिय खोप तालिकामा १३ वटा खोप समावेश गरिएको छ ।

तोकिएको मापदण्ड अनुसार सिन्धुली जिल्लामा १६ महिना देखि ५९ महिना सम्मका कुल १४ हजार ३ सय ९२ जना बालबालिका रहेको छन् । सम्पूर्ण बालबालिकाहरूलाई राष्ट्रिय खोप तालिकाको मापदण्ड अनुसार खोप लगाइसकेको र सबै स्थानीयताले पूर्ण खोप पालिका घोषणा गरिसकेको छ ।

पूर्ण खोप सुनिश्चितता तथा दिगोपना घोषणा गर्नको निम्ति जिल्ला समन्वय समिति सिन्धुलीका संयोजक लामा, सिन्धुलीका प्रमुख जिल्ला अधिकारी सुनिता नेपाल र स्वास्थ्य कार्यालय सिन्धुलीका प्रमुख राजन पोख्रेलले मुख्यमन्त्री जमकट्टेल समक्ष समर्थन पत्र पेश गर्नुभएको थियो ।

प्रकाशित मिति: आइतबार, असार ३१, २०८० १९:५८

प्रतिक्रिया दिनुहोस्