पञ्‍चकन्यामा धानबाली भित्र्याउन 'मारामार' [तस्बिरहरु]

कृषि-पर्यटन

गृहपृष्ठ
कृषि-पर्यटन

पञ्‍चकन्यामा धानबाली भित्र्याउन 'मारामार' [तस्बिरहरु]

ग्लोबल संवाददाता शनिबार, कात्तिक २०, २०७८

घलेभञ्ज्याङ । पूर्वी र पश्चिम तराईमा केही साताअघिको वर्षाले धानबालीमा ठूलो नोक्सान पुर्‍याए पनि पहाडी क्षेत्रमा भने कम क्षति गरायो । वर्षात् र असिनाबाट जोगिएको धानबाली भित्र्याउन यसपटक नुवाकोटका अधिकांक्ष क्षेत्रमा तिहार पर्वअगाडिदेखि नै किसानहरु व्यस्त भए ।

पञ्‍चकन्या गाउँपालिकाका ५ वटै वडा, शिवपुरी गाउँपालिकाको वडा नं ५ लगायत जिल्लाका पालिकाहरुमा धान भित्र्याउन किसानहरु मारामार (चटारो) देखिन्थे । बिटा लाउन मौसमले साथ दिए पनि यसपटक धान उत्पादन अधिकांश किसानको कम भएको पञ्‍चकन्या ३ नम्बर वडाका किसान उद्धव थापाले बताउनुभयो ।

उहाँका अनुसार अत्यधिक वर्षा र उचित खालको बिउ नहुँदा उत्पादन घटेको हो । त्यस भेगमा हाइब्रिड, सितामसिनो, टाइचिन, पोख्रेली, एमआरजस्ता धान लगाइने गरिन्छ । जिल्लामा धान भित्र्याउने क्रम चलिरहेको छ । ग्लोबल मिडियाले पञ्‍चकन्या ३ को केउरिनीमा किसानले बिटा लगाउँदै गरेको तस्बिर कैद गरेको छ ।