पञ्चकन्याको कुण्डला माविमा मंसिर ३ गते नि:शुल्क आँखा शिविर

स्वास्थ्य-शिक्षा

गृहपृष्ठ
स्वास्थ्य-शिक्षा

पञ्चकन्याको कुण्डला माविमा मंसिर ३ गते नि:शुल्क आँखा शिविर

ग्लोबल संवाददाता मंगलबार, कात्तिक २८, २०८०

घलेभन्ज्याङ । पञ्चकन्या गाउँपालिका वडा नम्बर ५ मा रहेको कुण्डला माद्यमिक विद्यालयमा मंसिर ३ गते नि:शुल्क आँखा शिविर हुने भएको छ ।

लायन्स क्लब अफ काठमाडौं मिड टाउन र तिलगंगा शल्यक्रिया आँखा केन्द्र नुवाकोटको आयोजना र कुण्डला भूपू विद्यार्थी समाजको सहयोगमा कुण्डला माविमा एक दिने आँखा शिविर हुन लागेको हो । शिविरमा मोतियाविन्दुसम्बन्धी विशेषज्ञ डाक्टरबाट बिहान १० देखि दिउँसो ३ बजेसम्म जाँच गरिने छ ।

लायन्स क्लब अफ काठमाडौं मिड टाउनका लायन महेश पाण्डेले शिविरमा विशेषज्ञ डाक्टरले जाँच गर्ने, चस्मा वितरण र अपरेसन गर्नुपर्ने खालका बिरामीलाई त्रिशूली अस्पतालमा नि:शुल्क शल्यक्रियाका लागि रिफर गरिने जानकारी दिनुभयो ।

यसैबीच, उक्त आँखा शिविरमा सहभागी भई लाभ लिन पञ्चकन्या वडा नम्बर ५ का कार्यवहाक वडाध्यक्ष रामजंग बुढाथोकीले सम्पूर्ण वडाबासीलाई अनुरोध गर्नुभएको छ ।

प्रकाशित मिति: मंगलबार, कात्तिक २८, २०८० २०:०१

प्रतिक्रिया दिनुहोस्