अन्तराष्ट्रिय नारी दिवसको अवसरमा मरिणमा विभिन्न कार्यक्रमको आयोजना

राज्य-राजनीति

गृहपृष्ठ
राज्य-राजनीति

अन्तराष्ट्रिय नारी दिवसको अवसरमा मरिणमा विभिन्न कार्यक्रमको आयोजना

ग्लोबल संवाददाता शनिबार, फागुन २४, २०८१

सिन्धुली । ११५ औ अन्तराष्ट्रिय नारी दिवसको अवसरमा विभिन्न कार्यक्रमको आयोजना गरिएको छ ।
‘सबै महिला तथा बालबालिकाको लागि, अधिकार, समानता सशक्तीकरण’ भन्ने मूल नाराका साथ विश्वभर दिवस मनाइएको हो ।

दिवसको अवसरमा सिन्धुलीको मरिण गाउँपालिकाले विभिन्न कार्यक्रम आयोजना गरेको छ ।
पालिकाले सचेतना र्याली, वक्तृत्वकला प्रतियोगिता सञ्चालन गर्नुका साथै महिला अटो चाकलाई सम्मान गदै दिवस मनाएको हो ।

पालिका उपाध्यक्ष विमला माझीको अध्यक्ष तथा पालिका अध्यक्ष विमर्श मुक्तानको प्रमुख आतिथ्यमा भएको कार्यक्रममा महिला अटो चाकल लाली कान्छी वाइबा र सिता बराइलीलाई सम्मान गरिएको छ ।
यस्तै अन्तर माध्यमिक विद्यालय वक्तृत्वकला प्रतियोगितामा पालिकाका ९ वटा विद्यालयले सहभागिता जनाएको थियो ।

सहभागी मध्ये वक्तृत्वकलामा पहिलो स्थान देउराली मा. वि बन्न सफल भएको छ । दोस्रो स्थान कपिलाकोट मा. वि र तेस्रो स्थानमा कार्तिके मा. वि ले प्राप्त गरेको छ ।

पालिकाको आयोजनामा भएको कार्यक्रममा कर्मचारी, बुद्धी जिवि, शिक्षक, विद्यार्थी, महिला उद्यमी लगायत विभिन्न सङ्घ संस्थाका प्रमुख तथा प्रतिनिधिको बाक्लो उपस्थिति रहेको थियो ।

प्रकाशित मिति: शनिबार, फागुन २४, २०८१ १९:३२

प्रतिक्रिया दिनुहोस्