सांसदहरूको अवरोधपछि राष्ट्रिय सभा र प्रतिनिधिसभाको बैठक स्थगित

राज्य-राजनीति

गृहपृष्ठ
राज्य-राजनीति

सांसदहरूको अवरोधपछि राष्ट्रिय सभा र प्रतिनिधिसभाको बैठक स्थगित

ग्लोबल संवाददाता बुधबार, चैत १३, २०८१

काठमाडौं । राष्ट्रिय सभाको बैठक भोलि बिहीबार सम्मलाई स्थगित भएको छ।

सांसदहरुको अवरोधले केही समय स्थगित बैठक अपराह्न पौने ४ बजे पुनः बसेको थियो। दोस्रो बैठकमा पनि सुरु हुने बित्तिकै विपक्षी दलका सांसदहरु आफ्नो स्थानबाट उठ्नु भएको थियो ।

सभाका अध्यक्ष नारायण दाहालले सदन अवरोध गरेर मात्रै समस्या समाधान नहुने भन्दै बैठक संचालन गर्न दिन आग्रह गर्नु भएको थियो ।

सदन चल्न दिन सभाध्यक्षले आग्रह गरे पनि सांसदहरुले अवरोध कायम राखेपछि अन्ततः बैठक स्थगित भयो। अर्को बैठक भोलि बिहीबार मध्याह्न १२ः १५ बजे बस्ने गरी बोलाइएको छ।

उता, प्रतिनिधिसभाको बैठक पनि बिहीबार बिहान ११ बजे बस्ने गरी स्थगित भएको छ।

सांसदहरूको निरन्तर अवरोधपछि सभामुख देवराज घिमिरेले बिहीबार बिहान ११ बजे बस्ने गरी अर्को बैठक बोलाउनु भएको हो ।

यसअघि आजै बसेको बैठकमा सांसदहरूले स्वार्थ समूहको हितमा लागिपरेर सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई बर्खास्त गरेको भन्दै विरोध जनाएका थिए ।

दोस्रो बैठकमा पनि सांसदहरूले आफ्नो सिटबाट उठेर विरोध जनाएपछि बैठक भोलिसम्मलाई स्थगित भएको हो।

प्रकाशित मिति: बुधबार, चैत १३, २०८१ १७:२२

प्रतिक्रिया दिनुहोस्