बानेश्वर झडपमा ६२ जना शिक्षक घाइते, उपचारको जिम्मा सरकारले लिनुपर्ने महासंघको भनाई

स्वास्थ्य-शिक्षा

गृहपृष्ठ
स्वास्थ्य-शिक्षा

बानेश्वर झडपमा ६२ जना शिक्षक घाइते, उपचारको जिम्मा सरकारले लिनुपर्ने महासंघको भनाई

ग्लोबल संवाददाता आइतबार, वैशाख १४, २०८२

काठमाडौं । शिक्षक र प्रहरीबीच बानेश्वरमा भएको झडपमा ६२ जना शिक्षक घाइते भएको शिक्षक महासंघले जनाएको छ। २५ दिनदेखि सडक आन्दोलन गरिरहेका शिक्षकले यसअघि शान्तिपूर्ण प्रदर्शन गरेको भए पनि आज भने प्रदर्शन हिंसात्मक बनेको थियो।

महासंघका अध्यक्ष लक्ष्मीकिशोर सुवेदीले घाइते शिक्षकहरुको ट्रमा सेन्टर, एभरेष्ट र सिभिल अस्पतालमा उपचार भईरहेको बताउनुभयो। अध्यक्ष सुवेदीले शान्तिपूर्ण आन्दोलन गरिरहेको समयमा सरकारले कायरता देखाएको आरोप लगाउँनुभएको छ ।

‘सरकारले देखाएको कायरताको भत्सर्ना गछौँ, आन्दोलन गरिरहेको समयमा शिक्षकहरुममाथि आक्रमण गरियो,६२ जना घाइते भएको महासंले जनाएको छ ।

घाइते शिक्षकहरुको उपचारको जिम्मा सरकारले लिनुपर्ने पनि मआसंघको माग छ। चैत्र २० गतेदेखि माईतिघरबाट सुरु हुँदै बिजुलीबजार पुलसम्म हुने शिक्षकहरुको प्रदर्शन शान्तपूर्ण हुने गरेको थियो।

शान्तिपूर्ण आन्दोलन गरिरहेका शिक्षकहरुले आज निषेधित क्षेत्र तोड्न खोजेपछि प्रहरीले धरपकड गरेको थियो।यता प्रहरीले भने शिक्षकहरू आक्रामक बनेपछि बल प्रयोग गरेको प्रहरीको दाबी छ। प्रहरीले लाठी चार्ज र पानीको फोहोरा हानेको थियो।

प्रकाशित मिति: आइतबार, वैशाख १४, २०८२ १५:५०

प्रतिक्रिया दिनुहोस्