‘ब्याडमिन्टन एसिया साउथ एसिया रिजनल च्याम्पियनसिप २०२६’ मा नेपालको ऐतिहासिक जित

युवा-खेलकुद

गृहपृष्ठ
युवा-खेलकुद

‘ब्याडमिन्टन एसिया साउथ एसिया रिजनल च्याम्पियनसिप २०२६’ मा नेपालको ऐतिहासिक जित

ग्लोबल संवाददाता बिहीबार, चैत २६, २०८२

काठमाडौं । पाकिस्तानको इस्लामाबादमा सम्पन्न ‘ब्याडमिन्टन एसिया साउथ एसिया रिजनल च्याम्पियनसिप २०२६’ मा नेपाललाई ऐतिहासिक सफलता प्राप्त भएको छ ।

नेपालका खेलाडी प्रिन्स दाहालले प्रतियोगितामा उत्कृष्ट प्रदर्शन गर्दै दोहोरो स्वर्ण पदकसहित कुल चार पदक जितेर कीर्तिमान कायम गर्नुभएको छ ।

प्रिन्सले पुरुष एकलतर्फको फाइनलमा आयोजक राष्ट्र पाकिस्तानका खेलाडीलाई पछि पार्दै २१-९, १२-२१ र २१-६ को सेटमा जित निकाल्दै स्वर्ण जित्नु भएको हो ।

त्यस्तै, प्रिन्सले मिक्स डबल्समा रसिला महर्जनसँग जोडी बनाउँदै नेपालको पक्षमा अर्को स्वर्ण पदक पनि प्राप्त गर्न सफल हुनुभयो । नेपाली खेलाडीहरूले स्वर्णका साथै रजत र कांस्य पदकमा पनि उत्कृष्ट उपस्थिति रहेको थियो ।

पुरुष डबल्समा प्रिन्स दाहाल र क्षितिज खनालको जोडीले रजत जित्नुभयो भने मिक्स टिम इभेन्टमा पनि नेपालले रजत पदक हात पारेको छ । मिक्स टिममा प्रिन्स, क्षितिज, रसिला र शेस्ना श्रीपाली सामेल हुनुहुन्थ्यो ।

कांस्य पदकमा महिला एकलतर्फ रसिला महर्जनले कांस्य जित्नुभयो भने महिला डबल्समा रसिला र शेस्ना श्रीपालीको जोडीले अर्को कांस्य पदक पनि प्राप्त गर्नुभयो ।

प्रकाशित मिति: बिहीबार, चैत २६, २०८२ १३:१३

प्रतिक्रिया दिनुहोस्