एमसीसी अघि बढाउनका लागि साथ दिन एमालेलाई प्रधानमन्त्री देउवाको आग्रह

राज्य-राजनीति

गृहपृष्ठ
राज्य-राजनीति

एमसीसी अघि बढाउनका लागि साथ दिन एमालेलाई प्रधानमन्त्री देउवाको आग्रह संघीय निर्वाचनपछि मात्रै एमसीसी अघि बढाउन प्रचण्डको प्रस्ताव

ग्लोबल संवाददाता आइतबार, माघ २३, २०७८

काठमाडौं । प्रधानमन्त्री शेरबहादुर देउवा, नेकपा (एमाले)का अध्यक्ष केपी शर्मा ओली र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ बीच समसामयिक राजनीतिक विषयमा छलफल भएको छ ।

आइतबार प्रधानमन्त्री निवास बालुवाटारमा भएको छलफलमा स्थानीय तहको निर्वाचन, संसद्को गत्यावरोधको अन्त्य तथा अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) लगायतका विषयमा छलफल भएको हो ।

सो अवसरमा प्रधानमन्त्रीले एमालेलाई एमसीसीलगायतका विषय अगाडि बढाउन सहयोग गर्न आग्रह गर्नुभएको थियो । बैठकमा माओवादीका अध्यक्ष प्रचण्डले एमसीसीलाई सङ्घीय निर्वाचन पछाडि मात्रै अगाडि बढाउन आग्रह गर्नुभएको बालुवाटार श्रोतले जनाएको छ । सो सन्दर्भमा सत्ता पक्षले सरकार र गठबन्धनको तर्फबाट प्रष्ट धारणा राख्न एमालेले आग्रह गरेको थियो ।

प्रधानमन्त्रीले राष्ट्रिय सरोकारका मुद्दामा छलफल हुने वातावरण बनाउन र संसद्को बैठक नियमित कारबाहीमा प्रवेश गर्ने वातावरण बनाउन प्रमुख प्रतिपक्षीलाई आग्रह गर्नुभएको थियो । प्रधानमन्त्रीको सो आग्रहका सन्दर्भमा एमालेले आफूहरू उपस्थित भएर भाग लिने वातावरण बनाउन र त्यसका लागि आफूहरूले कारबाही गरेका १४ सांसदको विषयमा सभामुख अग्निप्रसाद सापकोटाले गरेको निर्णयका कारण असजिलो भएको धारणा राखेको थियो ।

प्रकाशित मिति: आइतबार, माघ २३, २०७८ १९:४०

प्रतिक्रिया दिनुहोस्