एमसीसीबारे माओवादीको निर्णय वैधानिक छैन : नेता न्यौपाने

राज्य-राजनीति

गृहपृष्ठ
राज्य-राजनीति

एमसीसीबारे माओवादीको निर्णय वैधानिक छैन : नेता न्यौपाने

ग्लोबल संवाददाता आइतबार, फागुन १५, २०७८

काठमाडौं । नेकपा (माओवादी केन्द्र) का केन्द्रीय सदस्य लेखनाथ न्यौपानेले अमेरिकी एमसीसीसँगको सम्झौताबारे आइतबार गरिएको निर्णय वैधानिक नभएको दाबी गर्नुभएको छ ।

सामाजिक सञ्जालमार्फत आफ्नो धारणा सार्वजनिक गर्दै नेता न्यौपानेले केन्द्रीय मितिको निर्णयबाहेक अरुले गर्ने निर्णय आधिकारिक नहुने बताउनुभएको हो । 'नेकपा (माओवादी केन्द्र) मा केन्द्रीय समितिको निर्णयबाहेक अरुले गर्ने निर्णय अधिकारिक हुँदैन । आज बिहान बसेको भनिएको बैठकको कुनै वैधानिकता छैन,' उहाँले अगाडि भन्नुभएको छ, 'केन्द्रीय समितिको बैठक पटक-पटक स्थगित गरिएको छ । महाधिवेशनपछि पार्टीको केन्द्रीय समिति र अध्यक्षमात्र बनेको अवस्था छ । एकातिर केन्द्रीय समितिको बैठक बसाल्दै नबसाल्ने अर्कोतिर एमसीसीजस्तो मुलुकलाई दीर्घकालीन असर पार्ने गम्भीर विषयमा अध्यक्षले एकल निर्णय गर्दै पार्टीलाई कांग्रेस, एमालेजस्तै राष्ट्रघाती पार्टीको कित्तामा उभ्याउने ? यसको मारमा देश, जनता, पार्टी र पार्टीका कार्यकर्ता पर्नुपर्ने ।'

उहाँले अध्यक्ष पुष्पकमल दाहाल प्रचण्डलाई कटाक्ष गर्दै पार्टी निजी क्लब नभएको स्मरण गराउनुभउको छ । 'माओवादी राष्ट्रघात गर्ने पार्टी होइन, माओवादी एकाध व्यक्तिको निजी क्लब होइन ।'

प्रकाशित मिति: आइतबार, फागुन १५, २०७८ ११:५३

प्रतिक्रिया दिनुहोस्