कोरोना अपडेट : २४ घण्टामा ३५ जनाको मृत्यु, २५ सय २५ संक्रमित थपिए, २ हजार ८६ निको

समसामयिक-समाचार

गृहपृष्ठ
समसामयिक-समाचार

कोरोना अपडेट : २४ घण्टामा ३५ जनाको मृत्यु, २५ सय २५ संक्रमित थपिए, २ हजार ८६ निको

ग्लोबल संवाददाता मंगलबार, भदौ ८, २०७८

काठमाडौं । नेपालमा कोरोना भाइरस संक्रमणबाट एकैदिन ३५ जनाको मृत्यु भएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयले पछिल्लो २४ घण्टाको विवरण सार्वजिनक गर्दै एन्टिजेन र पीसीआर प्रविधिबाट १४ हजार ८१० नमुना परीक्षण गर्दा देशभर २५ सय २५ नयाँ संक्रमित थपिएको जानकारी दिएको छ ।

यस्तै मन्त्रालयका अनुसार २ हजार ८६ जना कोरोना संक्रमणमुक्त भएर डिस्चार्ज हुनुभएको छ ।
हाल नेपालमा ३८ हजार २५० जना सक्रिय संक्रमित रहेका छन् । अहिलेसम्म ३८ लाख ४९ हजार ३०४ पीसीआर र ४ लाख ४० हजार ७६ जनाले एन्टिजेनमार्फत नमुना परीक्षण गराएका छन् । त्यसमध्ये ७ लाख ५१ हजार १ पीसीआर र ८० हजार ९ सय ६७ जनाको एन्टीजेनमार्फत कोरोना संक्रमण पुष्टि भएको छ ।

हालसम्म ७ लाख २१ हजार ८३ जना निको हुनुभएको छ । निको हुनेमा ५९.७३ प्रतिशत पुरुष र ४०.२७ प्रतिशत महिलागरी ९३.३ प्रतिशत रहेको छ ।

नेपालमा कोरोना संक्रमणबाट १० हजार ५६८ जनाको मृत्यु भएको छ । हालसम्म नेपालमा होम आईसोलेसनमा ३५ हजार १४५, संस्थागत आईसोलेशनमा ३१०५ , क्वारेन्टाइनमा ३९५, भेन्टिलेटर १७० र सघन उपचार कक्षमा ६२० जना रहेका छन् ।

प्रकाशित मिति: मंगलबार, भदौ ८, २०७८ १७:३५

प्रतिक्रिया दिनुहोस्