भरतपुर महानगरमा गठबन्धनका दाहाल र अधिकारीकाे जित सुनिश्चित

राज्य-राजनीति

गृहपृष्ठ
राज्य-राजनीति

भरतपुर महानगरमा गठबन्धनका दाहाल र अधिकारीकाे जित सुनिश्चित

ग्लोबल संवाददाता मंगलबार, जेठ १०, २०७९

चितवन । चितवनकाे भरतपुर महानगरपालिका मेयरमा सत्ता गठबन्धनतर्फका उम्मेदवार माओवादी केन्द्रकी रेणु दाहाल निर्वाचित हुने निश्चित भएकाे छ ।

पछिल्लाे मतपरिणाम अनुसार करिब २ हजार मतगणना हुन बाँकी छँदा रेणुले प्रतिस्पर्धी एमालेका विजय सुवेदीसँग १२ हजार १४० मतान्तर कायम गर्नुभएकाे छ । दाहालले ५१ हजार ११२ मत र सुवेदीले ३८ हजार ९७२ मत पाउनुभएकाे छ । दाहाल दाेस्राे कार्यकालका लागि महानगर प्रमुख हुन लाग्नु भएकाे हाे ।

अन्तिम परीणाम आउन बाँकी रहँदै दाहाल निर्वाचित हुने निश्चित भएकाे हाे । निर्वाचन अधिकृतकाे कार्यालयले सबै मतगणना भइसकेपछि नतिजा घाेषणा गर्नेछ ।

उपमेयरमा गठबन्धनबाट कांग्रेसका चित्रसेन अधिकारीकाे जित सुनिश्चित भएकाे छ । अधिकारीले ५१ हजार ९०३ मत र प्रतिस्पर्धी राप्रपाकी हिमला गुरुङले ३० हजार ३२६ मत पाउनुभएकाे छ ।

२०७४ को स्थानीय तह निर्वाचनमा पनि दाहाल नेकपा एमालेका देवी ज्ञवालीलाई हराउँदै मेयर चुनिनु भएकाे थियाे ।

प्रकाशित मिति: मंगलबार, जेठ १०, २०७९ ०८:५०