एमालेको एघार विभागको सचिव चयन, थप चार जना केन्द्रीय सदस्य मनोनित

राज्य-राजनीति

गृहपृष्ठ
राज्य-राजनीति

एमालेको एघार विभागको सचिव चयन, थप चार जना केन्द्रीय सदस्य मनोनित

ग्लोबल संवाददाता बिहीबार, साउन २६, २०७९

काठमाडौं । नेकपा एमालेको सचिवालय बैठकले एघार वटा विभागको सचिव चयन गरेको छ । केन्द्रीय कार्यालय च्यासलमा बसेको बैठकले विभागको सचिव चयन गरिएको हो । गरिबी निवारण तथा सहकारी विभागको सचिवमा सुरज ढकाल, विज्ञान तथा प्रविधि विभागको सचिवम सञ्जिव रोकाया,सामाजिक सुरक्षा विभागको सचिवमा पुस्कर खातीलाई चयन गरिएको हो ।

यस्तै सहकारी विकास विभागको सचिवमा गजेन्द्र थपलिया, उद्योग वाणिज्य तथा आपूर्ति समितिको सचिव सुन्दर भुसाल, कृषि तथा पशुपंक्षी विकास सचिवमा बिमल शर्मा, पुस्ताकालय तथा अभिलेख समितिको सचिवमा सुरज अधिकारी हुनुहुन्छ ।

बैठकले पर्यटन तथा नागरिक उड्ययन विभागको सचिवमा घनेन्द्र श्रेष्ठ, युवा तथा खेलकुद विभागको सचिवम मेघराज पौडेल,भूमि व्यवस्था विभागको सचिवमा आरसी लामिछाने हुनुहुन्छ भने भौतिक व्यवस्था तथा यातायात विभागको सचिवमा एसपी शर्मा हुनुहुन्छ । एमालेको बाँकी विभागका सचिवहरु भने यसअघिको बैठकले चयन गरिसकेको छ ।

यस्तै बैठकले थप चार जनालाई केन्द्रीय सदस्य मनोनित गरेको छ । बसेको सचिवालय बैठकले जीवन गौतम (दाङ), बृजेशकुमार गुप्ता (कपिलवस्तु), धर्मदत्त देवकोटा (स्याङ्जा) र अमृत राजवंशी (झापा) लाई केन्द्रीय सदस्य मनोनित गरिएको हो ।

प्रकाशित मिति: बिहीबार, साउन २६, २०७९ १८:०१

प्रतिक्रिया दिनुहोस्