कप्तान सन्दीप विरुद्ध बलात्कारको किटानी जाहेरी दर्ता

समसामयिक-समाचार

गृहपृष्ठ
समसामयिक-समाचार

कप्तान सन्दीप विरुद्ध बलात्कारको किटानी जाहेरी दर्ता

ग्लोबल संवाददाता बुधबार, भदौ २२, २०७९

काठमाडौं । राष्ट्रिय क्रिकेट टोलीका कप्तान सन्दीप लामिछानेविरुद्ध बलात्कारको किटानी जाहेरी दर्ता भएको छ । प्रहरी वृत्त गौशालामा सन्दीपविरुद्ध जाहेरी दर्ता भएको उपत्यका प्रहरी कार्यालयले जनाएको छ । सन्दीपविरुद्ध १७ वर्षीय नाबालिगले बलात्कार गरेको आरोप सहित प्रहरीमा उजुरी दिएकी हुन्।

काठमाडौं र भक्तपुरको विभिन्न स्थानहरुमा लगेर काठमाडौं ल्याई राती ११ बजेर ५५ मिनेटको समयमा काठमाडौं महानगरपालिका–९ स्थित एक होटलमा जबर्जस्ती करणी गरेको जाहेरीमा उल्लेख गरिएको छ।

पीडितले ०७९ भदौ ५ गते राती जबर्जस्ती करणी गरेको अरोप उल्लेख गर्दै मंगलबार ९२१ भदौ० मा प्रहरी वृत्त, गौशालामा पीडितले जाहेरी दिएकी हुन्।

प्रहरीले एकद्धार संकट ब्यवस्थापन केन्द्रमा लगेर विस्तृत स्वास्थ्य परीक्षण गराइएको प्रहरीले जानकारी दिएको छ।

लामिछाने अहिले देशमा छैनन् । केन्यामा पाँच खेलको टी–२० सिरिज खेलेपछि उनी वेस्ट इन्डिजको क्यारेबियन प्रिमियर लिग खेल्न गएका छन् ।

प्रकाशित मिति: बुधबार, भदौ २२, २०७९ १०:३७

प्रतिक्रिया दिनुहोस्