जापान । पर्वत समाज क्युस्यु जापानको अध्यक्षमा शिव शर्मा चयन हुनुभएको छ ।
जापानको फुकुओका सहरमा १ फेब्रुअरी २०२३ मा सम्पन्न समाजको प्रथम क्षेत्रीय अधिवेशनबाट शर्माको नेतृत्वमा १५ सदस्यीय क्युस्यु क्षेत्रीय कार्यसमिति चयन भएको हो । समितिको उपाध्यक्ष भगिरथ पौडेल, कृष्ण आचार्य, सचिव सुजन केसी, सहसचिव सज्जन सुवेदी, कोषाध्यक्ष अर्जुन पराजुली र सहकोषाध्यक्ष निसान क्षेत्री बन्नुभएको छ ।
सदस्यहरुमा विवेक गिरी, सन्तोष केसी, रोशन भुसाल, गोविन्द रेग्मी, राज शर्मा, मनोज गिरी, सरिता सुवेदी पौडेल, सविता आचार्य निर्विरोध चयन भएको नवनिर्वाचित अध्यक्ष शिव शर्माले बताउनुभएको छ ।
कार्यक्रम पर्वत समाज जापानका अध्यक्ष सुवास लामिछानेको सभापतित्व, एनआरएनए आईसीसी सहकोषाध्यक्ष टंक गैरेको प्रमुख आतिथ्यतामा भएको हो । कार्यक्रममा हाम्रो नेपाल हामी नेपाली अभियानका संयोजक धर्मराज अधिकारीको विशिष्ट आतिथ्यता र एनआरएनए जापान उपाध्यक्ष रामकृष्ण श्रेष्ठ, लायन्स क्लब एमडी ३२५ जी रिजन चेयर पर्सन ज्योति केसी, एनआरएनए जापान सचिव देवराज उप्रेतीसहित क्युस्युमा रहेका पर्वतवासीहरुको उल्लेख्य सहभागिता रहेको थियो ।
