नुवाकोटकी क्यान्सरपीडित एन्जललाई तामाङ घेदुङ इजरायलबाट ६६ हजार सहयोग

समाज-समावेशी

गृहपृष्ठ
समाज-समावेशी

नुवाकोटकी क्यान्सरपीडित एन्जललाई तामाङ घेदुङ इजरायलबाट ६६ हजार सहयोग

ग्लोबल संवाददाता आइतबार, पुस २२, २०८०

नुवाकोट । तारकेश्वर गाउँपालिका–५, कर्चिण्डेकी १८ वर्षीया एन्जल तामाङको ब्लड क्यान्सरको उपचारका लागि नेपाल तामाङ घेदुङ इजरायलले ६६ हजार ४ सय रुपैयाँ सहयोग गरेको छ । उक्त सहयोग रकम बिरामीका दाजु रमित तामाङलाई नेपाल तामाङ घेदुङका सह–अध्यक्ष कुमारसिं घिसिङले संघीय कार्यालय चुच्चेपाटीमा आइतबार साँझ हस्तान्तरण गरेको घेदुङका महासचिव जगतमान लामा (दोङ)ले जानकारी दिनुभयो ।

रकम हस्तान्तरण गर्नुहुँदै सहअध्यक्ष कुमारसिं घिसिङले बिरामीको स्वास्थ्य उपचार लगायत अन्य सामाजिक कार्यमा इजरायल घेदुङको सक्रियताप्रति धन्यवाद व्यक्त गर्नुहुँदै हाल उपचाररत एन्जेल तामाङको शीघ्र स्वास्थ्यलाभको कामना समेत गर्नुभयो । हाल काठमाडौंस्थित शिक्षण अस्पताल महाराजगंजमा उपचाररत तामाङको आर्थिक अवस्था निकै कमजोर रहेको जानकारी पाएकीले उक्त रकम सहयोग गरेको अध्यक्ष रोशी मोक्तान तामाङले बताउनु भयो ।

उक्त रकम सल्लाहकार सुनिता मोक्तानको पहलमा घेदुङमा आबद्ध पदाधिकारी एवं कार्यसमितिका सदस्यहरुले सहयोग गर्नु भएको पनि अध्यक्ष तामाङले जानकारी दिनुभयो ।

बिरामीका दाजु रमित तामाङका अनुसार एन्जलको उपचारका लागि कम्तीमा पनि २२ लाख रुपैयाँ खर्च लाग्नेछ । रकम हस्तान्तरणमा घेदुङका महासचिव दोङ, संघीय सदस्य उषा वाइबा र काभ्रे घेदुङ अध्यक्ष राजकुमार तामाङलगायत उपस्थित हुनुहुन्थ्यो ।