रियालाई मिस तामाङ-२०२४ को उपाधि

मनोरञ्जन-साहित्य

गृहपृष्ठ
मनोरञ्जन-साहित्य

रियालाई मिस तामाङ-२०२४ को उपाधि

ग्लोबल संवाददाता शनिबार, फागुन १२, २०८०

काठमाडौँ । मिस तामाङ-२०२४ को उपाधि रिया तामाङले जित्नु भएको छ । राष्ट्रिय सभागृहमा शनिबार सम्पन्न ग्रान्ड फिनालेमा १४ प्रतिस्पर्धीलाई उछिन्दै उहाँ १६औँ संस्करणको मिस तामाङ घोषित हुनुभएको हो । उहाँलाई गत वर्षकी विजेता पासाङयाङ्जी तामाङले ताज पहिरिदिनुभयो ।

प्रतियोगिताको फस्ट रनरअप पेमाडोल्मो तामाङ र सेकेन्ड रनरअप अमृता लामा हुनुभयो । पेमाडोल्मोले मल्टिमिडिया टाइटल पनि जित्न सफल हुनुभयो । विजेताले १ लाख, फस्ट रनरअपले ५० हजार तथा सेकेन्ड रनरअपले ३० हजार रुपैयाँ नगदसहित क्राउन र गिफ्ट ह्याम्पर पाउनुभएको छ ।

मम्स इन्टरनेसनल नेपालले आयोजना गरेको मिस तामाङ २०२४ मा २४ जनाले भाग लिनुभएको थियो । निर्णायक मण्डलमा गायक तथा संगीतकार प्रदीप बम्जन‚ पूर्व मिस तामाङ सुमी मोक्तान, सांसद तारा तामाङ‚ सञ्चारकर्मी गंगा घिसिङ रहनुभएको थियो ।

तामाङ भाषा, धर्म, कला, संस्कृति, भेषभूषा, रीतिरिवाज तथा रहनसहनलाई युवामाझ पुर्‍याउने उद्देश्यले उक्त प्रतियोगिता आयोजना हुँदै आएको छ ।

प्रकाशित मिति: शनिबार, फागुन १२, २०८० २१:४९

प्रतिक्रिया दिनुहोस्