राजु स्याङ्तानको कविता संग्रह ‘ओ पेङ्दोर्जे ’ लाई पहिचान पुरस्कार

समाज-समावेशी

गृहपृष्ठ
समाज-समावेशी

राजु स्याङ्तानको कविता संग्रह ‘ओ पेङ्दोर्जे ’ लाई पहिचान पुरस्कार

ग्लोबल संवाददाता शुक्रबार, मंसिर २८, २०८१

काठमाडौं । पहिचान पुरस्कार कोषले २०८०/२०८१ सालको पहिचान पुरस्कार राजु स्याङ्तानको कविता संग्रह ‘‘ओ पेङ्दोर्जे’ लाई नगद रु ४,०२,००२ सहित ताम्रपत्र प्रदान गर्ने भएको छ ।

मंसिर २८ गते बसेको कोषको बैठकले जुरीवाट आएको निर्णयलाई आधार मानि उत्कृष्ट आठ पुस्तक मध्यबाट उक्त कृतिलाई पुरस्कार दिने घोषणा गरेको हो ।

ओ पेङदोर्जे कविता संग्रहले गोर्खा राज्य विस्तार हुनुअघि र गोर्खा राज्य विस्तार भएपछि आफ्नो पचिानकोलागि रगत पसिना साथै जीवन आहुती दिने तामाङ जाति र अन्य भूइँ मान्छेहरुले खेपेको शोषणको बारेमा वताएको छ । उनको कविताहरुले आफ्नो पहिचान रक्षार्थकोलागि आन्दोलन, विद्रोह बोलेका छन् । विशेषतः तामाङ जातिको आदिवासी सौन्दर्य जगेर्ना गर्न सफल छ । साँस्कृतिक जागरणको आव्हान गर्दै आफ्नो पहिचान रक्षाको लागि आवाज बुलन्द गरिएका छन् । विषय, शिल्प, शैली, प्रस्तुति सबै दृष्टिकोणले कविता सङ्ग्रह ओ पेङदोर्जेलाई पहिचान पुरस्कार दिने घोषणा गरिएको संस्थापक नरेश काङमाङ राईले जानकारी गराउनु भयो ।

संस्थाले जनाए अनुसार, २०८१ साल चैत्र २३ गते भोजपुर जिल्लाको टेम्के मैयुङ गाउँपालिका वार्ड नम्बर ४ को सुन्दर चखिया डाँडामा पुरस्कार वितरण गरिने छ । तिन साल अघिदेखि चखियामा पुरस्कार प्रदान गरिदै आएको छ । चैत्र २४ गते एक दिने …काब्य मुन्दुम पथ यात्र’गर्ने तालीका पनि तय गरेको छ ।