नेपाल तामाङ घेदुङको १० औं सङ्घीय महाधिवेशन सुरु

समाज-समावेशी

गृहपृष्ठ
समाज-समावेशी

नेपाल तामाङ घेदुङको १० औं सङ्घीय महाधिवेशन सुरु

ग्लोबल संवाददाता शुक्रबार, जेठ १, २०८३

काठमाडौं । ७० वर्षको लामो इतिहास बोकेको तामाङ समुदायको साझा संस्था नेपाल तामाङ घेदुङको १० औं राष्ट्रिय महाधिवेशन आजदेखि सुरु भएको छ ।

काठमाडौंको स्वयम्भुमा महाधिवेशनको उद्‌घाटन गरिएको छ । अध्यक्ष मोहन गोलेको अध्यक्षमा भएको उद्‌घाटन सत्र लामा गुरु, ताम्बा , बोन्बो द्धारा भव्यताका साथ सुरु गरिएको छ ।

महाधिवेशनमा देश तथा विदेश बाट प्रतिनिधि तथा पर्यवेक्षकको सहभागिता रहेको छ । कार्यक्रममा सहभागीलाई सहअध्यक्ष कुमार घिसिङले स्वागत गर्नुभएको थियो भने कार्यक्रम सञ्चालन महासचिव जगत दोङले गर्नुभएको थियो ।

उद्‌घाटन सत्रमा तामाङ प्रतिनिधिसभामा निर्वाचित तामाङ सांसदहरु , पूर्वमन्त्री, घेदुङका सल्लाहकारहरू , पूर्वपदाधिकारी र तामाङ समुदायको बाक्लो उपस्थिति रहेको थियो । जेठ ३ गते सम्म चल्ने महाधिवेशनले नयाँ नेतृत्व चयन गर्ने छ ।

प्रकाशित मिति: शुक्रबार, जेठ १, २०८३ २१:१६

प्रतिक्रिया दिनुहोस्