घेदुङको १० औं सङ्घीय महाधिवेशनको दोस्रो दिन: यस्तो रहेको छ आजको कार्यतालिका

समाज-समावेशी

गृहपृष्ठ
समाज-समावेशी

घेदुङको १० औं सङ्घीय महाधिवेशनको दोस्रो दिन: यस्तो रहेको छ आजको कार्यतालिका

ग्लोबल संवाददाता शनिबार, जेठ २, २०८३

काठमाडौं । ७० वर्षको लामो इतिहास बोकेको तामाङ समुदायको साझा संस्था नेपाल तामाङ घेदुङको १० औं सङ्घीय महाधिवेशन आज दोस्रो दिन पनि जारी रहेको छ ।

काठमाडौंको स्वयम्भुमा जेठ १ गतेबाट सुरु भएको महाधिवेशनमा आज बन्दसत्र र नेतृत्व चयनको लागि उम्मेदवारी दर्ता प्रक्रिया अघि बढ्ने छ । बन्दसत्रमा अध्यक्ष मोहन गोले, महासचिव जगतमान दोङ र कोषाध्यक्ष रूप योञ्जनले आ–आफ्नो प्रतिवेदन प्रस्तुत गर्नुहुने कार्यतालिका रहेको छ ।

बन्दसत्र पछि नेतृत्व चयनको प्रक्रिया अन्तर्गत उम्मेदवारी दर्ता प्रक्रिया अघि बढ्ने घेदुङको सूचना विभाग प्रमुख तीर्थमान बल तामाङले जानकारी दिनुभयो । १० औं महाधिवेशनले २३ पदाधिकारीबाट नयाँ प्रस्तावित २५ पदाधिकारी निर्वाचित गरिने छ ।

यस्तै हाल केन्द्रिय सदस्य १०१ रहेका छन् भने विधान अनुसार यो सङ्ख्या परिमार्जन हुन सक्ने सम्भावना रहेको छ ।
हाल सम्म नेपालमा घेदुङको ५२ शाखा र विदेशमा झण्डै ३५ शाखा रहेका छन् । महाधिवेशनमा ६ सय प्रतिनिधिको सहभागिता रहेको सञ्चार विभाग प्रमुख बलले जानकारी दिनुभयो ।

प्रकाशित मिति: शनिबार, जेठ २, २०८३ ०७:५८

प्रतिक्रिया दिनुहोस्