मरिणमा भूमि तथा नापी शाखाबाट पहिलो लालपुर्जा वितरण

राज्य-राजनीति

गृहपृष्ठ
राज्य-राजनीति

मरिणमा भूमि तथा नापी शाखाबाट पहिलो लालपुर्जा वितरण

ग्लोबल संवाददाता सोमबार, भदौ ८, २०८३

सिन्धुली । मरिण गाउँपालिकामा भूमि प्रशासन तथा नापी शाखाबाट आज देखि औपचारिक रूपमा सेवा सुरु गरेको छ । गाउँपालिका अध्यक्ष विमर्श मोक्तानले पालिकाको पहिलो लालपुर्जा वितरण गर्दै भूमि प्रशासन तथा नापीसम्बन्धी सेवाको सेवाको औपचारिक सुरुवात गर्नुभएको हो ।

कार्यक्रममा मालपोत अधिकृत मधु लाखे जिल्ला तथा सम्बन्धित कार्यालयबाट उपस्थित कर्मचारीहरू, सरोकारवाला निकायका प्रतिनिधि तथा गाउँपालिकाका कर्मचारीहरूको सहभागिता रहेको थियो। अतिथिहरू तथा सरोकारवालाको उपस्थितिमा पहिलो लालपुर्जा वितरण कार्यक्रम सम्पन्न भएको हो।

भूमि प्रशासन तथा नापीसम्बन्धी सेवा लिन सेवाग्राहीहरूलाई अब सम्बन्धित कार्यालयसम्म पुग्नुपर्ने झन्झट कम हुने तथा आफ्नै स्थानीय तहबाट सहज, सरल र प्रभावकारी रूपमा सेवा प्राप्त गर्ने वातावरण बनेको गाउँपालिकाले जनाएको छ। यससँगै मरिणमा भूमि प्रशासन तथा नापीसम्बन्धी सेवा स्थानीय स्तरबाटै उपलब्ध हुने महत्वपूर्ण सुरुवात भएको छ।

प्रकाशित मिति: सोमबार, भदौ ८, २०८३ २०:५५

प्रतिक्रिया दिनुहोस्