भोटेकोशी बाढी: हालसम्म ९८७ को शव फेला, १२ हजारको उद्धार

राज्य-राजनीति

गृहपृष्ठ
राज्य-राजनीति

भोटेकोशी बाढी: हालसम्म ९८७ को शव फेला, १२ हजारको उद्धार

ग्लोबल संवाददाता मंगलबार, भदौ १६, २०८३

काठमाडौं । रसुवाको भोटेकोशी नदीमा गएको बाढीका कारण ज्यान गुमाउनेको सङ्ख्या ९८७ पुगेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार मङ्गलबार बिहानसम्म सबैभन्दा धेरै चितवनमा ३२१ जनाको शव फेला परेको छ ।

साथै नवलपरासी पूर्वमा २१६, नवलपरासी पश्चिममा १७०, नुवाकोटमा ९५, गोरखामा ६५, धादिङमा ५५, तनहुँमा ३८ र रसुवामा २७ जनाको शव फेला परेको छ । यसैगरी, तीन हजार ९१६ जना सम्पर्कविहीनमध्ये नेपाल प्रहरीका २५, नेपाली सेनाका ४५, सशस्त्र प्रहरी बल, नेपालका १३, भन्सार कार्यालयका १५ र अध्यागमन कार्यालयका तीन जना राष्ट्रसेवक कर्मचारी रहेका छन् ।

हालसम्म घाइते २७९ जना रहेको र उपचारपछि विभिन्न अस्पतालबाट ‘डिस्चार्ज’ हुनेको सङ्ख्या १६८ पुगेको तथा ११ हजार ८१४ जनाको उद्धार भइसकेको प्राधिकरणले जनाएको छ ।

यसैगरी, २१ हजार ११ जना सुरक्षाकर्मी परिचालित भएको पनि प्राधिकरणले जनाएको छ ।

प्रकाशित मिति: मंगलबार, भदौ १६, २०८३ ११:५७

प्रतिक्रिया दिनुहोस्