गृहमन्त्रीद्वारा खोला क्षेत्रको अवलोकन

राज्य-राजनीति

गृहपृष्ठ
राज्य-राजनीति

गृहमन्त्रीद्वारा खोला क्षेत्रको अवलोकन

ग्लोबल संवाददाता शुक्रबार, असोज ९, २०८३

काठमाडौं । लगातारको वर्षाका कारण प्रमुख बागमती, विष्णुमती, मनोहरालगायत नदी तथा खोलामा जलसहत बढेको छ । सशस्त्र प्रहरी र नेपाल प्रहरीसहितका सुरक्षाकर्मीले नदी करिडोर क्षेत्रमा निरन्तर अनुगमन गरिरहेका छन् । यसैबीच गृहमन्त्री सुधन गुरुङ ललितपुरको च्यासलस्थित नेपाल कम्युनिष्ट पार्टी (एमाले)को मुख्यालय आसपासका क्षेत्रमा पुगी खोला तथा पानीको बहावको अवस्थाबारे सुरक्षाकर्मीसँग जानकारी लिनुभएको छ ।

सोक्रममा सञ्चारकर्मीसँग सङ्क्षिप्त कुरा गर्दै उहाँले सुरक्षाकर्मी उच्च सतर्कताका साथ कार्यक्षेत्रमा खटिएका प्रतिक्रिया दिनुभयो । उहाँले मनसुनजन्य विपद्बाट हुनसक्ने सम्भावित जोखिम पहिचान र प्रतिकार्यमा सरकार गम्भीरताका साथ लागिरहेको बताउनुभयो । बङ्गालको खाडीमा विकसित न्यून चापीय प्रणालीको प्रभावले देशका अधिकांश भूभागमा वर्षा भइरहेको छ । नेपाल मौसम विज्ञान विभागका अनुसार पछिल्लो २४ घण्टामा कोशी, बागमती, गण्डकी र लुम्बिनी प्रदेशका अधिकांश स्थानमा भारी तथा केही स्थानमा धेरै भारी वर्षा भएको छ ।

प्रकाशित मिति: शुक्रबार, असोज ९, २०८३ १६:४५

प्रतिक्रिया दिनुहोस्