पछिल्लो २४ घण्टामा ४ हजार १०७ जना कोरोना संक्रमित थपिए, १५ सय ३५ जना निको, ३५ जनाको मृत्यु

स्वास्थ्य-शिक्षा

गृहपृष्ठ
स्वास्थ्य-शिक्षा

पछिल्लो २४ घण्टामा ४ हजार १०७ जना कोरोना संक्रमित थपिए, १५ सय ३५ जना निको, ३५ जनाको मृत्यु

ग्लोबल संवाददाता बुधबार, साउन २०, २०७८

काठमाडौं । पछिल्लो २४ घण्टामा देशभर ४ हजार १०७ जनामा कोरोना भाइरस संक्रमण पुष्टि भएको छ । २४ घण्टामा ११ हजार ३ सय ५४ पिसिआर नमूना परिक्षण गरिएको मध्ये २ हजार ९ सय ७५ जनामा कोराना संक्रमण पुष्टि भएको छ । यस्तै एन्टिजेनबाट ४ हजार ९ सय ४४ नमुना परिक्षण गरिएको मध्ये १ हजार १ सय ३२ संक्रमण पुष्टि भएको स्वास्थ्य तथा जनसंख्या मन्त्रालयले पत्रकार सम्मेलन मार्फत जानकारी गराएको छ ।

२४ घण्टामा जम्मा १६ हजार २९८ जनाको नमूना परिक्षण गरिएको मध्ये ४ हजार १ सय ७ जनामा संक्रमण पुष्टि भएको स्वास्थ्य मन्त्रालयले जानकारी गराएको छ । गत २४ घण्टामा १ हजार ५ सय ३५ जना संक्रमण मुक्त भएका छन् । साउन २० गतेको पत्रकार सम्मेलनमा ३५ जनाको मृत्यु भएको पनि मन्त्रालयले उल्लेख गरेको छ । काठमाडौँ उपत्यकाभित्र १२ सय ७९ जना संक्रमित भएका छन् । देशभर पिसिआर परिक्षण गरेको मध्ये २६.२ प्रतिशतमा संक्रमण पुष्टि भएको मन्त्रालयका सहप्रवक्ता डाक्टर समिर कुमार अधिकारीले जानकारी गराउनुभयो ।

मन्त्रालयका अनुसार हालसम्म ३६ लाख ४४ हजार ४ सय ७२ जनाको पीसीआर नमुना परीक्षण गरिएको छ । जसमध्ये ७ लाख ५ हजार ७२ नमुनामा संक्रमण पुष्टि भएको छ । यस्तै ३ लाख ३६ हजार ८२३ एन्टीजेन मार्फत परिक्षण गरिएको छ । जसमध्ये ६४ हजार ८८५ जनामा संक्रमण पुष्टि भएको छ । अहिलेसम्म पिसीआर र एन्टिजेन दुबै विधिबाट ३९ लाख ८१ हजार २ सय ९५ नमूना परिक्षण गरिएको छ । देशभरीबाट ७ लाख ६९ हजार ९२२ कोरोना संक्रमण पुष्टि भएको छ । ६ लाख ६१ हजार १५१ जना पूर्ण रुपमा निको भईसकेको मन्त्रालयले जनाएको छ ।

प्रकाशित मिति: बुधबार, साउन २०, २०७८ १६:५८