नवौँ राष्ट्रिय खेलकुद प्रतियोगितामा स्वर्ण जित्ने वाग्मतीका खेलाडीलाई मासिक भत्ता

युवा-खेलकुद

गृहपृष्ठ
युवा-खेलकुद

नवौँ राष्ट्रिय खेलकुद प्रतियोगितामा स्वर्ण जित्ने वाग्मतीका खेलाडीलाई मासिक भत्ता

ग्लोबल संवाददाता शुक्रबार, भदौ १०, २०७९

वाग्मती । वाग्मती प्रदेशको युवा तथा खेलकुद मन्त्रालयले आगामी असोजमा आयोजना हुने नवौँ राष्ट्रिय खेलकुद प्रतियोगितामा स्वर्णपदक हासिल गर्ने आफनो प्रदेशका खेलाडीलाई मासिक छ हजार प्रोत्साहन भत्ता दिने घोषणा गरेको छ ।

बागमती प्रदेश खेलकुद परिषद्द्वारा आयोजित पत्रकार सम्मेलनमा वाग्मती प्रदेशका युवा तथा खेलकुदमन्त्री रत्नप्रसाद ढकालले नवौँ राष्ट्रिय खेलकुदमा समावेश हुने नौ वटा खेलमा मात्र स्वर्ण जित्ने खेलाडीलाई मासिक भत्ता दिने बताउनुभयो ।

उहाँका अनुसार फुटबल, क्रिकेट, एथलेटिक्स, तेक्वान्दो, कराँते, बक्सिङ, भलिबल, ब्याडमिन्टन र पौडी खेलमा स्वर्ण जित्ने खेलाडीले मात्रै त्यो सुविधा पाउनेछन् । राष्ट्रिय खेलकुदका सबै ३६ वटै खेलमा बागमती प्रदेश सहभागी हुने आयोजकले जनाएको छ ।

उक्त प्रतियोगिताका लागि सबै खेलाडीलाई ४५ दिने बन्द प्रशिक्षणमा राख्ने योजना रहेको आयोजकको भनाइ छ । वाग्मती प्रदेशले खेलाडी छनोट प्रतियोगिताको लागि रु पाँच करोड रकम विनियोजन भएको र त्यसमा रु ४९ लाख निकासा भइसकेको जनाएको छ ।

उक्त प्रतियोगितामा बागमती प्रदेशबाट फुल कोटामा सात सय नौ जना खेलाडी सहभागी छन् । गण्डकी प्रदेशमा अयाोजना हुने नवौँ राष्ट्रिय खेलकुद प्रतियोगिता आगामी असोज २९ देखि कात्तिक ३ गतेसम्म हँुदैछ ।

प्रकाशित मिति: शुक्रबार, भदौ १०, २०७९ २०:५५

प्रतिक्रिया दिनुहोस्